فنيال… قهوتنا من طيب تراثنا
فنيال محمصة إماراتية متخصصة في القهوة العربية المختصة. بدأنا من فكرة بسيطة: إن الفنجال اللي يجمعنا في المجالس والكشتات يستاهل أفضل حبة وأدق تحميص.
ليش فنيال؟
القهوة العربية عندنا ما تقتصر على الهيل والزعفران. البن نفسه يفرق في الريحة والطعم ولين آخر رشفة. عشان جي نختار بُن مختص، ونحرص نعرف من وين يت الحبة وكيف تعالجت قبل ما توصل لفنيالكم.
كل قهوة تحكي قصة مدينة
نقدّم وصفات من مناطقنا العربية: القهوة الإماراتية السمرا، قهوة مكة المكرمة، قهوة المدينة المنورة، والقهوة العربية الشمالية. وإلى جانبها بُن مختص يتغيّر كل شهر لمحبي التجربة.
تفاصيل الضيافة كاملة
لأن الفنجال ما يكمل بروحه، نوفّر دلال نحاسية مقاومة للصدأ وفناجيل مستوحاة من تراثنا، مثل فنجان زايد، عشان تكون جلستكم كاملة من الدلة لين الفنجال.
نوصلكم وين ما كنتوا
توصيل لكل الإمارات، مع خيار التوصيل في نفس اليوم.
فنيال… اطلبوا الحين وخلوا كل جلسة تكمل بفنيال قهوة.